聯發茶餐廳

营业中

休息中

今日我去咗九龙城侯王道既老字号茶餐厅-联发茶餐厅食饭。呢间茶餐厅已经开咗好多年，系呢头非常出名既一间餐厅。我同朋友叫咗干炒黑椒牛肉意粉，炭火叉烧煎蛋饭同埋冻咖啡。我试左干炒黑椒牛肉意粉，佢个味道好正，牛肉炒得香口，意粉又炒得岩岩好，有镬气。而且加咗好多黑椒，整个意粉几惹味，好适合中意重口味既人。另外，朋友仲叫咗炭火叉烧煎蛋饭，饭煮得好香，叉烧有肥有瘦，肥瘦适中，煎蛋煮得刚好，蛋黄有少少流心，捞埋饭食味道好好。而且佢地叉烧蜜糖酱汁都好正，餐厅一啲都唔悭皮，成个饭都有汁，令整个饭更加香，朋友食欲大开即刻扒多两啖饭。最后，我叫咗冻咖啡少奶，咖啡味浓郁得黎好舒服，亦唔似一般既茶餐厅咖啡会偏酸。总括而言，联发茶餐厅俾我嘅食物印象几好，佢地既份量都几够，对得住价钱，如果你平时少食茶餐厅又中意食炭火叉烧，呢间几值得一试。