德國餐廳 (已結業)

因为玩Facebook的游戏送了一份德国肠拼盘，所以就打电话预约去店换领。本来打算净系食𠮶份免费肠，去到见到原来啲SET LUNCH都唔贵㖞，所以就拣左份「黑椒纽西兰西冷牛扒」。职员都好友善，就算系黎食免费野都招呼周到。先黎份牛扒。牛扒份量都算大，不过质地麻麻，有啲un。意粉唔错，几香，有浸牛油味，硬度适中。之后黎咗主角德国肠拼盘。依份肠跟餐牌既话要$128架。个样好唔错，薯角份量都唔少，肠有4款，红皮既两款，灰皮既两款。有一种系中间有芝士酱，有一种系辣汁，另外两款就简简单单既肉。份肠配有两种汁，一个系茄汁，另一个系黄色芥辣酱。我本身系唔中意茄汁的，但个芥辣酱啲味实在太劲，所以主要都系点茄汁。店内几舒服，虽然细细间，但气氛几好。店外都有高枱可以坐，适合带住狗狗既人。