味來中菜餐廳 (已結業)

🔺 味來中菜餐廳 (旺角)話就話係旺角，實質位置其實係太子果頭，因為係屋企附近而且佢新開有好大個banner, 所以都幾易睇到～附近都食得7788,見佢新開就黎試下佢啦～🔻文昌雞飯連凍飲 ($53)雞件嫩滑又大件，唔算多肥膏，同埋冇碎骨，食落個味似鹽焗雞，咸咸地送飯都唔錯。🔻四川回鍋肉飯連凍飲 ($51)午市套餐日日都有6款野揀，都好多選擇，今日就揀阻回鍋肉，有幾樣唔同蔬菜，肉片份量唔少同大塊，個汁就同想像中唔同，以為會好辣，但原來係唔辣既，但又幾好送飯咁～總結：店舖座位好闊落坐得舒服，枱面擺好晒餐具，杯同熱水壺，乾淨企理，呢到用手機落單既，不過你有問題店員都好樂於解答。