方叔叔重慶老火鍋 (太子集團中心)

营业中

休息中

「方叔叔」火鍋配料份量可以半份半份咁order, 最為適合人少少，又想點細細份又唔同款的人。雖然呢度主打重慶麻辣湯底, 不過亦有幾款唔辣嘅養生湯底鍋。【潮汕手打牛筋丸】爽口彈牙, keep到香甜肉汁, 推介!【鴨血】口感彈滑, 配唔辣嘅湯底同樣唔錯。【手打魚籽蝦滑】口感微彈, 有淡淡蝦嘅鮮甜味, 加埋魚籽, 增加左口感層次。【皇帝菜】放入湯底盡吸湯底精華, 同時食到皇帝菜本身嘅清香清甜。餐廳環境舒適, 冷氣都夠足, 全程打邊爐都唔會感覺熱。入座即送上雪耳紅棗糖水潤下喉。每張檯均有醬料供自由混醬，而且枱面上已有教程如何混醬最後仲點咗甜品【糍粑】炸到金黃鬆脆, 中層軟糯, 內有流心甜甜地嘅黑糖醬, 配有黃豆粉, 整體唔會太甜, 推介!