影片
更多
2009-08-07
22 浏览
6月12日, 九龍灣最後一站, 我地黎到牛下村嘅興記, 雖然食咗好多野之後只係睇咗場戲冇乜點郁過, 但飽飽地都想黎食下野, 因為唔知道佢幾時會拆, 咁我地食咗佢地嘅拿手野都唔會有咩後悔~::: 特餐 – 火腿燴意粉 + 火腿奄列 + 凍奶茶 ::: $27餐牌上嘅食物都係十分普通又十分設合舊式茶餐廳, 我地要咗個特餐~ 火腿燴意粉真係幾感人, 好耐都冇食過用茄汁撈意粉, 加上雜菜粒同條條嘅火腿, 唔稱得上好食但係就好夾個意景~ 一碟好普通嘅意粉但係睇得出佢已經喺個餐牌上幾十年, 喺時代進步下就快被淘汰…火腿奄列落嘅油多到好似唔駛錢咁, 反而個牛油餐包好好食, 麵包香軟唔扁撻撻又有牛油香~ 而凍奶茶亦十分香濃, 比很多現在新式茶餐廳更好飲~::: 豬扒治 ::: $10期待的終於來了! 好多人都讚呢度嘅豬扒治, 我地終於可以一嘗~ 一塊簡單嘅方包, 塗上牛油, 上面加一塊比方包更細嘅豬扒, 另附上一包茄汁自己加, 有乜咁特別? 加咗茄汁之後, 切開一人一半, 咬一啖, 豬扒煎得剛好, 豬扒嘅汁滲咗入麵包度, 所以每啖都好香豬扒味, 豬扒亦冇煎得太乾, 唔鞋口又有少少肥肉, 真係試咗無後悔
::: 特餐 – 火腿燴意粉 + 火腿奄列 + 凍奶茶 ::: $27
餐牌上嘅食物都係十分普通又十分設合舊式茶餐廳, 我地要咗個特餐~ 火腿燴意粉真係幾感人, 好耐都冇食過用茄汁撈意粉, 加上雜菜粒同條條嘅火腿, 唔稱得上好食但係就好夾個意景~ 一碟好普通嘅意粉但係睇得出佢已經喺個餐牌上幾十年, 喺時代進步下就快被淘汰…火腿奄列落嘅油多到好似唔駛錢咁, 反而個牛油餐包好好食, 麵包香軟唔扁撻撻又有牛油香~ 而凍奶茶亦十分香濃, 比很多現在新式茶餐廳更好飲~
::: 豬扒治 ::: $10
期待的終於來了! 好多人都讚呢度嘅豬扒治, 我地終於可以一嘗~ 一塊簡單嘅方包, 塗上牛油, 上面加一塊比方包更細嘅豬扒, 另附上一包茄汁自己加, 有乜咁特別? 加咗茄汁之後, 切開一人一半, 咬一啖, 豬扒煎得剛好, 豬扒嘅汁滲咗入麵包度, 所以每啖都好香豬扒味, 豬扒亦冇煎得太乾, 唔鞋口又有少少肥肉, 真係試咗無後悔~
不論枱枱櫈櫈, 風扇收銀, 店裏每處都充滿懷舊氣息~ 見到好多街坊, 黎食完一碟炒飯就走, 唔駛十分鐘, 好快就冇機會食喇~ 見到佢有條膠管, 每人可以放一蚊, 跟住mark一個位估下食店結業時d一蚊嘅水平去到邊,估中可以攞晒d錢走, 好多人都有留言, 呢d一蚊都會見證住一個時代嘅結束~ 時代係要進步, 而呢d野都只能成為往後的回憶~
张贴
