星洲名廚 (已結業)

土瓜灣有好多好野食，上次黎晚市都要排隊，見今日唔駛就去試下。名廚咖哩厚切豬扒飯餐送例湯($57)，金黃色的厚切豬扒肉質鮮嫩而扎實，炸得好鬆脆。咖哩好香滑，質地都幾結身下，有塊薯仔係入面，好入味。青瓜雖然係配菜，但係都幾好味，有醃過，唔係拌碟青瓜。豬扒叻沙($55)湯底十分香濃，配菜仲有魚片、豆卜、雞蛋和芽菜，真材實料，一D都唔馬虎，感覺很地道。配米粉食就最能吸收到湯的精華。豬扒同上一樣咁滋味。餐茶有白咖啡，另加$12可轉拉茶，與奶茶十分相似，可以一試。