夢の丼 (已結業)

超級中意食Donburi嘅我，經朋友推薦下就試咗呢間夢の丼，唔想過海就揀咗土瓜灣分店。早咗去到搵咗好耐都冇咪錶位🚙，就泊咗喺附近嘅海悅豪庭停車場喇，行返去餐廳都唔洗2分鐘。餐廳門口好靚，用上水泥x木裝修，靚過好多日本餐廳。入門口左手邊有一列壽司吧枱，可以望住師傅整🍣。一坐低就有沙律同面鼓湯夢之丼🔸🔸🔸🔸一定要叫嘅招牌夢之丼，有我最中意食嘅右口魚邊同帆立貝花錦魚生丼🔸🔸🔸🔸🔸超多材料嘅雜錦丼係我favourite👍呢碗比起出面嘅仲多更特別，有蟹膏豆腐、右口魚邊、松葉蟹，仲有隻甜蛋，大推🫶左口魚邊壽司🔸🔸🔸🔸🔸左口魚同右口魚真係我最愛嘅食物，呢到嘅左口魚油脂同滑嘅程度同右口魚冇分別，加埋醬汁超美味。深海池魚剌身🔸🔸🔸🔸🔸赤血引🔸🔸🔸🔸🔸磯燒帆立貝🔸🔸🔸🔸🔸柔煮鮑魚🔸🔸🔸估唔到上枱係咁靚😮仲有個鳥巢咁😂剌身係時令，本來唔識咩係赤血引，今次第一次食，非常甘甜，冇乜油脂，厚切好肥美又唔會漏。所有刺身都好新鮮。而磯燒帆立貝鮮甜，加上燒過更加令肉質顯得好滑，好食。至於鮑魚就冇乜特別，下次可能會食蠔或者蟹膏豆腐。呢餐期待咗好耐🫢好滿意