大漠 (已結業)

一直都钟意特色菜, 新彊四川云南等绝对系我杯茶, 今次同好友晚餐, 决定远少少去到土瓜湾寻羊.餐厅唔算大,环境都几有特色,不过实在灯光太暗,d相都影得麻麻. 而我地坐既位对正风口, 成晚都唔系好感受到热腾腾既食物温度.入正题嘞. 我地order左2人餐, 有羊肉汤, 大漠高汤烩阿魏菇, 古法炒紫椰菜, 孜然香烤羊肋排, 羊奶冻, 十分丰富!大漠高汤烩阿魏菇:有ｄ似中式酒楼口味，菇身厚，好弹牙同入味。古法炒紫椰菜：好香蒜味，唔太油腻，不过本身呢种菜偏硬，要几用力咬，份量几多，饱！羊奶冻：好like奶味，呢个奶冻好ｏｋ，好滑味道非常浓。羊肉汤：羊肉放汤反而最保存羊味，全晚其他食物都较干身，有呢个汤可以中和下。大漠羊松手抓卷：唔太食到羊，有好多其他蔬菜之类，个饼身几厚，但又唔太大块，唔系好包到晒ｄ材料，食到有ｄ狼狈。孜然香烤羊肋排：令人期待的菜色，卖相ok,香脆可口但就稍为干身左, 有羊味但唔重, 反而孜然粉味极浓, 略咸, 讲真有少少失望.下次如果人多可以试羊腿或羊肉崩沙腩.服务ｏｋ，不过店舖较细，客人讲野同侍应拉櫈（ｄ櫈系好重𠮶只）都几嘈同骚扰。总结：贪新鲜既好羊一族可以去试