影片
更多
2012-03-22
729 浏览
the beans 係一間位於北角錦屏街o既新開餐廳,位於青藏牛肉麵隔離,逢星期日休息呢間餐廳o係鰂魚涌都有分店我地當晚去到新都城大廈隔離o既錦屏街東發大廈,呢度入夜後較為僻靜,只見一兩間食肆及多間車房,但係搵唔到 the beans見到山邊好似係掘頭路,我地行返出大馬路經隔離條書局街行入去,原來餐廳o係東發大廈條後巷,呢條後巷間中有附近居民出入我地去到時只見一枱客人,由於之前已經預約,店員已經知道我地係享用團購優惠入面設有28個坐位,亦都有露天坐位10個餐廳播放柔和音樂,每枱都會放有點著o既小蠟燭,呢度除左有浪漫情調,亦都適合一班人包場開 party通常巨無霸都係指牛肉漢堡包,不過呢間餐廳專門出品雞肉漢堡,當晚有一款晚餐都係食呢個包之前o係網站以每張$29 o既價錢買左兩份自家手打雞肉漢堡巨無霸套餐 coupon,每張 coupon 可以換到自家手打雞肉漢堡巨無霸一個,一份薯條,一碗餐湯或沙律及一杯汽水今次優惠只適用於 6pm-10pm 時段食物係即叫即做,幾分鐘後店員先送上沙律及汽水我地每人都有一杯可樂煙鴨胸沙律之前團購網站冇乜介紹呢個套餐o既沙律及餐湯,又冇相俾人參考原來呢碗沙律
呢間餐廳o係鰂魚涌都有分店
我地當晚去到新都城大廈隔離o既錦屏街東發大廈,呢度入夜後較為僻靜,只見一兩間食肆及多間車房,但係搵唔到 the beans見到山邊好似係掘頭路,我地行返出大馬路經隔離條書局街行入去,原來餐廳o係東發大廈條後巷,呢條後巷間中有附近居民出入
我地去到時只見一枱客人,由於之前已經預約,店員已經知道我地係享用團購優惠
入面設有28個坐位,亦都有露天坐位10個
餐廳播放柔和音樂,每枱都會放有點著o既小蠟燭,呢度除左有浪漫情調,亦都適合一班人包場開 party
通常巨無霸都係指牛肉漢堡包,不過呢間餐廳專門出品雞肉漢堡,當晚有一款晚餐都係食呢個包
之前o係網站以每張$29 o既價錢買左兩份自家手打雞肉漢堡巨無霸套餐 coupon,每張 coupon 可以換到自家手打雞肉漢堡巨無霸一個,一份薯條,一碗餐湯或沙律及一杯汽水今次優惠只適用於 6pm-10pm 時段
食物係即叫即做,幾分鐘後店員先送上沙律及汽水我地每人都有一杯可樂
煙鴨胸沙律之前團購網站冇乜介紹呢個套餐o既沙律及餐湯,又冇相俾人參考
原來呢碗沙律除左有多款沙律菜,估唔到仲有大約五塊煙鴨胸,真係有o的驚喜
再過多大約十分鐘,兩份自家手打雞肉漢堡巨無霸及薯條做好店員提示我地快o的趁熱食個包,因為凍左會唔好食,不過我地要俾大家睇下個包o既份量,所以要影埋相先
呢個包要用支鋒利o既鐵針拮住先可以定型,有別於其他餐廳用竹籤或者膠籤,我地食個包o既時候拎走左支鐵針,攪到包入面o的餡跌出黎
另外,雙手拎住個包o既時候,o的醬汁o係麵包o既針孔滲出,大家食得有o的狼狽
呢個自家手打雞肉漢堡巨無霸只係用左兩塊麵包,內有一大片蕃茄,多片青瓜,一塊幾厚o既手打雞肉,兩片芝士,仲有好多生菜及醬汁多款新鮮蔬菜,令營養更豐富
由於個包熱力關係,上面塊芝士快o的溶化
個包夠晒份量,麥當勞o的巨無霸真係冇得比我地見到有另一位客人都係食呢個巨無霸,不過佢唔係用手拎住食,而係用刀叉切細個包後放入口,咁樣真係會失去拎住個包大啖咬o既樂趣
至於呢個餐o既薯條比較粗身,份量適中,店員會預先o係碟內落左足夠o既茄汁
我地最初諗住餐廳只係主打自家手打雞肉漢堡巨無霸,至於沙律/餐湯應該係一般貨式,原來佢地o既沙律都有質素,真係一份充滿誠意o既套餐,唔會因為團購而將貨就價
平時一份自家手打雞肉漢堡巨無霸(另外連埋蒜蓉包)o既晚餐係要$88 再俾加一服務費,不過透過團購優惠(不連蒜蓉包)只需要$29 就可以食到,呢餐真係好抵食!
the beans o既晚餐由$88至$238一份,至於午餐大約四,五十蚊一份呢間餐廳燈光較暗,我地影o既相都冇咁清晰,另外,留意到通往廁所o既梯級放左點著o既小蠟燭
餐廳都算近地鐵站,佢地放左個宣傳易拉架o係書局街街口,不過呢條後巷真係冇乜人行,我地臨走前見到有另外兩位客人坐o係出面
呢間位於福建幫蔡蔡子地頭o既西餐廳真係要多o的宣傳,同埋要保持食物質素及服務,靠客人口碑及熟客幫襯
the beans 值得推介,大家日後有機會可以一試
张贴
