影片
更多
2024-04-02
389 浏览
呢一间餐厅要喺将军澳Pop转一架升降机上一楼，可能因为上左一层，所以都几静环境都几舒服，唔会好嘈，几啱同朋友倾偈，本身系朋友想试吓围炉煮菜又唔想返大陆咁远而拣呢一间餐厅，主打成都嘅菜式，入到去地方几宽敞，啲凳系特别矮嘅，有种围炉煮茶嘅道地感！一入到去首先会有围炉主茶嘅餐前小菜，如果系午市嘅话就会有唔同嘅茶底同埋配料，好似好特别！晚市嘅话呢就会简单啲～ 店员首先会喺炉中间放咗一壶茶，然之后就会有四种小菜，全部食材都已经熟咗，只需要加热3-4分钟就得，同朋友夹下夹下好过瘾！有栗子、红枣、花生同埋南瓜，份量唔多，每样几件，但系都好新奇嘅体验，同埋整体十分之干净卫生，倾下计烧下几过瘾。同朋友拣咗一个鳗鱼滑酸菜金汤锅$288，因为我同朋友都唔食得太辣，呢个金汤香得来就唔会太辣，啱啱好！佢另外有一个蕃茄牛腩，我都系唔辣嘅选择，当然食得成都菜嘅话辣嘅话都会好香口！我同朋友喺度拣紧小菜配料嘅时候，店员好贴心咁行过嚟同我哋讲其实一个锅入面已经有咗好多材料，可以到时个锅上咗睇睇份量先，唔够再加，果不其然个锅已经有咗好多材料🤣 多到吓亲，材料方面真系好大方！基本上餐牌入边嘅配料入边都有，包括鳗鱼滑、鹌鹑蛋、
一入到去首先会有围炉主茶嘅餐前小菜，如果系午市嘅话就会有唔同嘅茶底同埋配料，好似好特别！晚市嘅话呢就会简单啲～ 店员首先会喺炉中间放咗一壶茶，然之后就会有四种小菜，全部食材都已经熟咗，只需要加热3-4分钟就得，同朋友夹下夹下好过瘾！有栗子、红枣、花生同埋南瓜，份量唔多，每样几件，但系都好新奇嘅体验，同埋整体十分之干净卫生，倾下计烧下几过瘾。
同朋友拣咗一个鳗鱼滑酸菜金汤锅$288，因为我同朋友都唔食得太辣，呢个金汤香得来就唔会太辣，啱啱好！佢另外有一个蕃茄牛腩，我都系唔辣嘅选择，当然食得成都菜嘅话辣嘅话都会好香口！
我同朋友喺度拣紧小菜配料嘅时候，店员好贴心咁行过嚟同我哋讲其实一个锅入面已经有咗好多材料，可以到时个锅上咗睇睇份量先，唔够再加，果不其然个锅已经有咗好多材料🤣 多到吓亲，材料方面真系好大方！基本上餐牌入边嘅配料入边都有，包括鳗鱼滑、鹌鹑蛋、猪肝、巴沙鱼、午餐肉、豆皮、香肠、虾滑、滑牛肉、笋片等等，鳗鱼话我系第一次食，香嫩唔会腥，质感系香糯软滑，同平时嘅虾滑墨鱼滑质感都几唔同，好新鲜特别！我同朋友想食多啲肉，就加左碟滑牛肉，好好食，$58嚟讲份量非常之多够两个人食！同埋因为个汤好香，所以就加咗一个冬瓜，吸汤入边𠮶啲精华，煮完又软熟又好味！出边有个调料区可以自己加减口味～
另外都叫咗10串串烧嘅鸡肾，佢其实每一串都好似半只手指咁大寸，系小串串，但系$18.10寸呢个价钱嚟讲十分之公道，我建议大家唔好走辣，因为上面嘅辣粉同香料加埋鸡肾先够香脆惹味，鸡肾爽口好好食，下面仲有一个小火微微保温加热啲串串，所以唔会急住食，可以一路食火锅一路得闲食两串，唔会话越食越冻都几贴心！
另外叫咗一个$28嘅拇指小笼包，好钟意佢细细粒，咁样嘅话唔会太滞太饱食唔到其他嘢，大概有10粒到，出边煎得几香脆，仲有芝麻喺上面好香口，入边嘅话肉汁都几多，外脆内软唔会好厚皮☺️
下次再食下完整版嘅围炉煮茶先！
张贴
