炸雞已經夠邪惡，呢度仲要用鐵板上變成芝士酸辣味炸雞，真係邪惡度爆燈！大大件雞件炸到勁香勁脆，然後熱辣辣咁放係半融芝士上面，撈埋d粒粒粟米入去，一手拉起件雞，拉到好多芝士絲同沾滿好多粟米，不得了！睇黎減肥計劃又要暫且擱置。
之後呢個星星飯盒，因為覺得個賣相好得意而叫，最啱影相呃like。呢樣係好傳統既韓國食物，只要將煎香左既韓式午餐肉同腸仔，加入埋菠菜同芽菜等配料，然後收返個蓋係咁搖、係咁搖，咁就食得，簡單滋味。
而呢個韓式粉絲雞煲帶甜既味道層次豐富，汁醬好多，浸滿左d雞，加上用薯粉製成既韓國粉絲吸盡湯汁精華，煙韌彈牙，仲有大量薯仔同蘿蔔都豐富左口感。
下次唔知我地又會搵個咩理由再食韓菜呢，期待~~
