因為今次係食Lunch，就唔叫太多野啦，叫左個燒牛舌，一個冷麵，一個湯烏冬，同十零粒壽司就算啦。雖然盡量叫少左，但都成400幾蚊，真係一D都唔平呢。
吞拿魚腩...真係睇樣已經覺得同寶琳既有差別，完全同上次係寶琳果間食既差得多；根本係2樣野2回事，依間既吞拿魚冇味又多筋，唔掂丫。
三文魚，帶子，八爪魚，北寄貝...依D就冇乜特別，感覺係好過以前既。
燒牛舌，唔知係切既問題？定係燒得太熟太乾？有D難咬。係對比起寶琳果間，真係勁失望。
一係冷麵，一個烏冬；2樣我都冇乜興趣，係老公同仔仔食的。我只係試過一啖，烏冬冇乜野既，仔話...同我平時在家煮既肥牛烏冬差唔多。但個冷麵呢，我自得係一個伏黎
好難食架，好彩唔係我叫；最後老公要自己一個食晒。結論係，寶琳果間大D嘛，多外來客嘛，所以D師父手勢好D，食材又靚D咁囉。而彩明果間，又細間，又少人幫襯，會去幫襯既都係住附近唔想行既街坊，所以囉，食材同師父都差左節囉。
應該冇下次啦，再有，可能又係幾年後？我真心覺得彩明間板長，同百佳爭鮮差唔多。
