神戶屋日韓放題

营业中

休息中

今日同朋友重臨舊地，返返去我哋細細個已經食開嘅日式放題始祖， 兆萬中心嘅放題。嚟得呢度食嘅朋友都係追求性價比高， 今日嘅刺身非常之有驚喜，特別以呢個價錢黎講， 有得食生蠔同埋海膽。 今日最好食最新鮮嘅係三文魚，畀嘅都係魚腩位， 比其他大型連鎖放題質素唔算話爭好遠。熱食方面就冇乜特別， 最好食嘅都算係放題必食嘅榴槤波波， 黑金流沙奶皇包都唔錯。 整齊嘅炸物都唔錯唔算好油。串燒方面最好食嘅推介係燒雞皮。鍋物方面就相對失色少少， 唔算太特別。