Dodam Chicken (1亞太中心) (已結業)

放工繼續同老豆係官塘覓食, 亞太中心樓上有呢間韓國餐廳, 一於試下佢呢間餐廳既環境幾好, 裝修得幾高級, 坐位都好闊落, 坐得幾舒服呢到主要都係食韓國野, 有好多唔同款既炸雞揀, 本身諗著試下出面冇咩點見既蜂蜜牛油芒果脆雞, 可惜已經賣曬冇得食, 咁我地就叫左蜂蜜牛油香蒜脆雞, 炸雞有得揀半份, 不過同老豆食就叫左全份, 驚唔夠食, 另外仲叫左個芝士年糕拉面首先黎既係芝士年糕拉面, 呢碟絕對係芝士控既天堂! 黎到成個面都係芝士, 熱辣辣仲可以拉絲年糕的口感彈牙有嚼勁，加埋d韓式辣醬辣辣地, 好惹味!之後主菜黎啦, 係新鮮炸起既, 因為食落仲係辣口, 表皮雖然淋左汁, 但係都仲係好脆, 雞肉內嫩多汁, 加上蜂密醬甜甜地, 仲要無骨, 食落去啖啖肉好滿足! 而且份量好足, 起碼有3,40舊, 食到好飽, 不過單一隻味食到尾有D漏, 餐廳好貼心咁比左D酸蘿蔔解膩, 不過下次再黎都係叫雙拼好D餐廳出面仲有免費甜品吧, 可以整格仔餅食, 不過我地已經好飽就冇食到整體而言, 呢間餐廳都幾有驚喜, 值得再黎食過!