譽麵坊 (已搬遷) 新店位置

坐响度食住麵，忽然好似時光倒流咁，返咗去以前中學時代...成間鋪全部客都係响附近返學嘅學生哥，只有小弟一個着便服，望落真係有D怪相忽然想換件校服添..haha..講番嘢食。招牌嘢係南乳雞球。差唔多所有學生哥枱枱都有一碟。自己就以之嚟配米線而食...米線味道普通，唔煙韌，平凡之極；雞球亦只係普通嘅炸雞塊，但南乳汁就調味得甚佳，味極濃，如果用佢嚟炆豬手就冇得頂lor...加碼叫嘅炸墨魚餅亦係極之普通，當然冇得同神廚館比...OK臉係送俾個南乳醬嘅...