麻辣風雲 (荃碧大廈) (已結業)

爸爸係四川人，佢太過掛住四川嘅味道，所以我哋全家人嚟到荃灣呢一間店舖尋找本土四川嘅味道😋-酸菜魚好多店舖都有酸菜魚食，但唔係間間都做得好出色，呢間嘅酸菜魚絕對比得上地道四川嘅風味，先係湯底，個種酸辣味充滿着魚煮出嚟嘅油香，同時酸辣味令人口水流🤤魚片嫩得嚟又有少少咬口，一家四口一齊食份量都好夠-水煮牛肩肉一望到整個表面都係辣椒嘅時候已經令我感受到真正嘅四川風味，麻辣味好香，辣得好爽，牛肩肉亦好好食！就連爸爸食過都讚不絕口！-秘製麻辣炒薯粉呢款炒薯粉好特別，甚少喺香港食到呢款菜式，煙韌嘅薯粉配上辣椒再炒夠晒鑊氣，味道好正！仲有山菜同辣椒粒令口感更豐富😎-炸饅頭企喺船頭嘅諸葛亮後方插着一支麻辣風雲嘅旗幟🚩，整個中國氣息出晒嚟，饅頭炸到金黃色，外皮卜卜脆，裏面好軟熟，口感好正，再點埋煉奶一齊食，味道更豐富🥰