翠河餐廳

营业中

休息中

今日中午明明食得好饱，但见成个下午冇野做，想去茶餐厅hea下时间。知道凤德开左翠河都有一排，抢左唔少其他茶记生意，应该都质素唔错。而我曾经亦到过其他地区食过几次早餐，都几合心意!下午茶都几多款选择食多食少自己话事爸爸唔想食咁多，于是叫了沙嗲牛肉包（$28）面包有烤过，脆脆地。牛肉都几多块，都几重口味。我最爱食鸡脾，所以叫了炸鸡脾配薯角沙律（$36）。价钱比普通茶记贵一两蚊，但平时只配薯条或沙律。翠河竟然可以一次过食晒两款贵少少都合理的。炸鸡脾送到，我即时哗左一声大过半块面本来想独自享用，但都要缩沙跟爸爸分享😂😂😂炸脾块皮好脆，唔会有厚厚的炸粉面头有几粒辣椒籽，开头会怕好辣，但又食唔出。我觉得系生炸，因为骨位还有少少血水漏出。沙律除了有杂果外，还有沙律菜不过如果多一点沙律会更好，可以中和一下油腻感。好多茶记都系炸薯条，薯角都好少有，值得赞。出餐效率好快，环境舒适干净。