食飽午餐行咗一陣，想揾個可以望海嘅地方chill吓飲杯嘢，見都有30幾人嚟過呢間，雖然外表「神秘」，啲玻璃遮住晒，老公話試下啦。入到去烏燈黑火！店內店外都貼滿「不準拍攝」標誌 😵💫😵💫
買咗杯ice cappuccino ($52), 加一杯荔枝冰茶（$50）。俾完錢終於可以俾你行出「海景」位喇！行過條條窄巷去到「海景露台」，好細！只可以放兩張四人枱，已經有兩個人喺度，我哋坐另一張枱，望住啲石頭，因為坐枱嗰面無可能睇到海景😪😪 算，當休息吓啦。
杯咖啡普通，無特別。杯冰茶其實係糖水！！🤮🤮 坐咗半個鐘，有蚊咬。走...... 無下次！網上話老闆無禮貌，我幸運無俾佢鬧，但全程買嘢攞嘢我有講唔該佢無講多謝，可能佢覺得佢益咗我俾個海景我坐下啦。😧😧
