影片
更多
2023-04-24
17 浏览
之前聽朋友推介呢間餐廳，嚟咗食星期六晚餐早場，一入到去裝修已經好似日本居酒屋嘅感覺，環境燈光都好啱傾偈飲酒，而唔同種類嘅嘢食都有驚喜！1. 炸魷魚圈 - 炸得好酥脆咬落唔會有油味，魷魚本身好新鮮彈牙，調味啱啱好加埋沙律醬好開胃2. 白飯魚魚生沙律 - 沙律口感豐富，第一次食白飯魚整嘅脆片，食落唔會腥有魚嘅香味；另外仲有三文魚吞拿魚三文魚籽等等，魚生新鮮足料，唔會因為切粒就俾頭頭尾尾你3. 清酒煮蜆 - 望落分量雖然唔係好多，但係粒粒蜆脹卜卜，好新鮮每個蜆殼都開晒同堆有肉，清酒咪唔會太勁啲湯可以一齊飲，暖胃好味4. 串燒 - 秋葵，牛舌，鹽燒黑豚腩 - 串燒喺呢間店最好味嘅食品種類♥️所有食物唔會燒得太乾，牛舌同埋鹽燒黑豚好soft咬落即刻有浸油香，好出色，一串唔平但係每人一串都夠晒，送酒一流5. 銀鱈魚西京燒定食 - 冇得輸，皮煎到脆卜卜，魚入味，調味加魚本身油脂送飯超好味！如果你每餐都一定要食飯，推介大家要嗌呢個定食！
1. 炸魷魚圈 - 炸得好酥脆咬落唔會有油味，魷魚本身好新鮮彈牙，調味啱啱好加埋沙律醬好開胃
2. 白飯魚魚生沙律 - 沙律口感豐富，第一次食白飯魚整嘅脆片，食落唔會腥有魚嘅香味；另外仲有三文魚吞拿魚三文魚籽等等，魚生新鮮足料，唔會因為切粒就俾頭頭尾尾你
3. 清酒煮蜆 - 望落分量雖然唔係好多，但係粒粒蜆脹卜卜，好新鮮每個蜆殼都開晒同堆有肉，清酒咪唔會太勁啲湯可以一齊飲，暖胃好味
4. 串燒 - 秋葵，牛舌，鹽燒黑豚腩 - 串燒喺呢間店最好味嘅食品種類♥️所有食物唔會燒得太乾，牛舌同埋鹽燒黑豚好soft咬落即刻有浸油香，好出色，一串唔平但係每人一串都夠晒，送酒一流
5. 銀鱈魚西京燒定食 - 冇得輸，皮煎到脆卜卜，魚入味，調味加魚本身油脂送飯超好味！如果你每餐都一定要食飯，推介大家要嗌呢個定食！
张贴
