喜亭軒 (已結業)

今次决定去最熟悉嘅地方尝试几有特色嘅一个火锅配餐！店铺叫喜庭轩！喺旺角大型汇丰银行后面位置有个升降机去到！讲番餐厅先橙色同杏式做主色，位置亦都相当宽敞今次我哋系食呢个三小时任食火锅！汽水甜品都系任饮任食！首先佢会畀个川辣鸡煲你！餐厅之后会有个q r code畀你扫，入面嘅配料都系无限任食！讲返个鸡煲先非常香浓味道，辣度亦都啱啱好食唔到辣嘅都食到嘅！重点系啲鸡好滑肉类好幼嫩！酱汁亦都可以依附喺每件鸡肉上面！之后火锅汤底你可以选择鸳鸯汤，一边系麻辣，另一边系清汤蟹肉火锅汤，估唔到佢真系比成只蟹我，仲要分开一半令到个汤更加入味，当中加入埋其他养生材料，包括红枣杞子重有冬瓜，打边炉都唔怕冇营养！同热气！配料都系任食任叫就唔多讲主要我系嗌海鲜！绝对系回本位，大概有海虾，大大只扇贝、蛏子、除咗海鲜仲有鸭血，生根，响铃卷！除咗火锅之外呢度仲可以有埋烧肉盘一路打边炉一路烧肉真系好贴心！