葡匯咪走雞葡國餐廳

想搵間好味嘅葡國菜，梗係要嚟間有名氣啲嘅葡國餐廳啦！之但係又唔駛吓吓走到去澳門嘅，咩小飛象、公雞，大家都係動物姐，今晚就同去到尖沙咀嘅葡匯咪走雞葡國餐廳試吓我哋第一次嘅葡國菜啦！

炸馬介休球
馬介休，來自葡語Bacalhau，係經鹽醃製嘅鱈魚，所以食落咸咸地。加入馬鈴薯泥、洋蔥等材料製，新鮮炸起，好香口。

炸馬介休球

葡式燒乳豬 (1/4隻)
1/4隻有四大件，真係好大份，兩個人真係夠晒。乳豬用秘製香料醃製，外皮燒到脆卜卜。半肥瘦，肉質嫩滑，肉汁豐富。仲跟埋葡式肥仔炒飯同沙律，真係好滿足。

葡式燒乳豬 (1/4隻)

葡式燒乳豬 (1/4隻)

馬介休炒椰菜
A姐話馬介休真係好好味，所以我哋要叫咗馬介休炒椰菜。終於見到馬介休嘅真身啦，咸咸地嘅馬介休吊起椰菜嘅鮮味，正！

馬介休炒椰菜

（記住Like同Share畀朋友）