Café 100 by The Ritz-Carlton (裝修中)

今年老公生日，想同佢去啲未去過嘅地方，所以就揀咗帶埋娸娸一齊去100層樓嘅天空飽覽一下香港嘅迷人景觀，再嘆埋個夏日限定海洋主題下午茶❤️Cafe 100 by The Ritz-Carlton 嘅夏日海洋主題下午茶套餐共有八款精美鹹甜點，包括🐟油封吞拿魚香梨撻配上清甜開胃的紅桑子啫喱🍤鮮味十足的荔枝海蝦迷你三文治🥕蘿蔔海苔卷配海苔粉及芝麻醬同🦀口感軟滑嘅蟹肉菇菌茶碗蒸，還有四款精選甜品：🍰甜而不膩嘅法式檸檬貝殼蛋糕🧁清涼消暑的椰子蝶豆花杯🍈清甜香脆嘅蜜瓜忌廉筒同🫐鬆軟細膩嘅藍莓鬆餅配士多啤梨果醬及奶油忌廉❤️位於海拔 393 米高嘅高樓可以俯瞰成個維港，窗邊仲有透明吧枱同高櫈等你可以慢慢嘆。環境有幾好，我諗唔需要再講❤️雖然今日天氣唔係太好，但係對於第一次上 Sky 100 嘅我哋感覺非常新鮮❤️除咗可以環觀香港景色之外，仲有唔少嘅打卡位同遊戲。又有得食又有得夾公仔，最開心嘅應該係 Kelsey 啦🤣 仲有露營車同埋望遠鏡俾你打卡📸