更多
2021-08-19
772 浏览
老板娘呢个名喺米线group曝光率极高，终于有机会拜访下，时为星期二晚上未够7点，等15分钟有得入座被安排到一间细房，有冷气，啲枱凳地板几光鲜又无表面污渍，唔系传闻中咁污糟，咁当然喺正旧街市唔好期望有几干净啦，食住嘢地下有只小强喺脚边行嚟行去，我哋嘅底线系佢唔飞唔爬上嚟都接受到，所以专心食面唔四围望其实相安无事嘅店员态度唔系传说中咁差，安排得好有系统，问多句会耐心解释，攞住筷子桶绕房一周叫大家攞筷子..以街坊小舖来讲都算系咁食物方面喺入座前已经落好单，当晚无酸菜牛肉同猪软骨，风闻炸物出色，我哋都嗌好多炸嘢嗌咗炸鸡球、炸鲮鱼球、虾胶豆卜+腩肉，强烈推荐炸鸡球肉质鲜嫩多汁；炸鲮鱼球都食得出有细碎鱼骨唔系净得粉，不过略嫌唔够弹牙(可能咁先好?!)；虾胶豆卜，虾胶做得几好，但豆卜酥脆到已经无咗豆卜嘅原形，好似一堆包裹住虾胶嘅炸粉，男友爱食炸嘢就好欣赏，我就麻麻；最后都强烈推荐猪腩肉，好似南乳炆肉咁煮𠮶阵迫晒猪腩肉啲油脂出嚟，食落一啲肥腻感都无，取而代味系入味且松软嘅口感米线偏淋但够滑溜，汤底部分我哋一碗嗌咗麻辣小辣，另一碗要麻酸辣BB辣，唔知点解，食𠮶阵觉得麻酸辣BB辣𠮶碗更辣更麻，睇嚟辣度唔
老板娘呢个名喺米线group曝光率极高，终于有机会拜访下，时为星期二晚上未够7点，等15分钟有得入座
被安排到一间细房，有冷气，啲枱凳地板几光鲜又无表面污渍，唔系传闻中咁污糟，咁当然喺正旧街市唔好期望有几干净啦，食住嘢地下有只小强喺脚边行嚟行去，我哋嘅底线系佢唔飞唔爬上嚟都接受到，所以专心食面唔四围望其实相安无事嘅
店员态度唔系传说中咁差，安排得好有系统，问多句会耐心解释，攞住筷子桶绕房一周叫大家攞筷子..以街坊小舖来讲都算系咁
食物方面喺入座前已经落好单，当晚无酸菜牛肉同猪软骨，风闻炸物出色，我哋都嗌好多炸嘢
嗌咗炸鸡球、炸鲮鱼球、虾胶豆卜+腩肉，强烈推荐炸鸡球肉质鲜嫩多汁；炸鲮鱼球都食得出有细碎鱼骨唔系净得粉，不过略嫌唔够弹牙(可能咁先好?!)；虾胶豆卜，虾胶做得几好，但豆卜酥脆到已经无咗豆卜嘅原形，好似一堆包裹住虾胶嘅炸粉，男友爱食炸嘢就好欣赏，我就麻麻；
最后都强烈推荐猪腩肉，好似南乳炆肉咁煮𠮶阵迫晒猪腩肉啲油脂出嚟，食落一啲肥腻感都无，取而代味系入味且松软嘅口感
米线偏淋但够滑溜，汤底部分我哋一碗嗌咗麻辣小辣，另一碗要麻酸辣BB辣，唔知点解，食𠮶阵觉得麻酸辣BB辣𠮶碗更辣更麻，睇嚟辣度唔影响麻度，而且越食越麻食到最后仲有啲苦苦地，就算我平时食开酸辣都觉得酸得嚟麻麻地
反而麻辣𠮶碗冇咁麻，更加饮得出汤头嘅鲜甜味，只饮咗几啖可乐，一直隔咗几个钟返到屋企都未口干，唔算味精
埋单$57一碗两𩠌，$6一罐可乐，价钱喺米线界嚟讲算贵，𩠌嘅味道亦唔系款款都咁超班，算系不过不失，唔会专登去，但经过附近想食米线会再嚟
张贴
