博多拉麵別天神 (已結業)

🔎博多拉麵別天神 (銅鑼灣)📍銅鑼灣告士打道277號地下3A號舖去到銅鑼灣，好想食拉麵，銅鑼灣有好多間唔同嘅拉麵店，見到呢間設計比較似日本傳統拉麵店，於是入咗去食，因為鋪頭面積比較細，所以人數都幾有限-🔹別天神套餐$105別天神套餐，拉麵係豚肉拉麵，隻糖心蛋非常出色，蛋黃好甜而且做到有流心嘅感覺，非常濃郁嘅豬骨味湯底，而且豚肉亦都好大塊好薄，拉麵麵身比較幼，好彈牙，套餐入邊有餃子或者沙律，今次選擇咗餃子，叫咗餃子而且係即時煎，好新鮮入邊好多肉汁🔹蝦味噌套餐$115如果好鍾意食蝦味嘅朋友可以試一試，表面佈滿大量櫻花蝦，而且湯底比較紅，係有濃濃嘅蝦味，裏面同樣有豚肉，豚肉配埋蝦味配搭好好，同樣都係選擇左餃子，而且枱上面亦都有好多食拉麵嘅教學，同埋有其他嘅配料可以俾你加入去，例如七味粉呀辣芽菜等等喜歡食拉麵嘅朋友可以試一試