韓樂 (新都城中心三期)

营业中

休息中

平時好鍾意去韓樂食早餐，因為鍾意佢嘅早餐選擇多，份量亦夠，而且座位都闊落坐得舒適。如果平日我就一定會揀呢一個精選早餐，真係抵食。有一碗火腿濃湯通粉，配上香草豬肉腸及餐肉，還有流心煎焗蛋及沙律菜同埋蒜香多士，好滿足。最正係個蒜香多士，外脆內軟，味道超正。其實除咗呢個精選早餐，仲有其他好多選擇，例如佢個魚柳餐，份量大得驚人，塊魚柳好大塊，有時一個人食真係有啲飽。總括而言，我覺得韓樂嘅食物質素唔錯，無論係食材新鮮度定係烹調技巧，都令我好滿意，再加上上餐速度超快嚟到嘅食物仲係熱騰騰的，而且店員態度友善，整個用餐過程都好滿意。