影片
更多
2017-09-05
162 浏览
前排做野，成日會經過灣仔重新開發既利東街，見到入面好歐陸feel好舒服，仲有幾間靚餐廳，成日想試下但一直未有機會～點知咁arm朋友約食lunch，就諗起不如試試入面間韓國野啦～店面裝修主打木色，都幾舒服呀～ 出面熱屎辣辣，一坐低我地忍唔住一人要叫杯凍飲！Mid-noon // Floating Ice BallMid-noon 即係薄荷菠蘿梳打，原塊菠蘿上無楂流攤～ 砌0係杯邊好睇又好味！佢仲甜度適中，唔會好似大部分菠蘿飲品咁沖得太甜！不過如果薄荷味道再重啲，咁就very good 啦！Floating Ice Ball 一上檯見佢水咁既顏色，以為係普通野，點知又有小驚喜，西瓜蜜瓜青瓜呢個組合好清爽好fresh，頭先熱辣辣，飲呢個解渴一流！San-gria Red //San-gria Red 既水果甜味加上肉桂香味，真係相得益彰，不過略嫌紅酒味唔夠濃。食韓國菜，我有一個小期待，就係啲細細碟既前菜，每間餐廳都有自己唔同既前菜同泡菜，Bistrol Seoul 既泡菜卷好一卷咁好靚，唔算好辣，口感夠脆，加埋另外既木耳同芽菜，一人三碟唔洗爭。韓式豆腐海鮮湯其實落order時，侍應已細心提醒
點知咁arm朋友約食lunch，就諗起不如試試入面間韓國野啦～
店面裝修主打木色，都幾舒服呀～
出面熱屎辣辣，一坐低我地忍唔住一人要叫杯凍飲！
Mid-noon // Floating Ice Ball
Mid-noon 即係薄荷菠蘿梳打，原塊菠蘿上無楂流攤～ 砌0係杯邊好睇又好味！佢仲甜度適中，唔會好似大部分菠蘿飲品咁沖得太甜！不過如果薄荷味道再重啲，咁就very good 啦！
Floating Ice Ball 一上檯見佢水咁既顏色，以為係普通野，點知又有小驚喜，西瓜蜜瓜青瓜呢個組合好清爽好fresh，頭先熱辣辣，飲呢個解渴一流！
San-gria Red //
San-gria Red 既水果甜味加上肉桂香味，真係相得益彰，不過略嫌紅酒味唔夠濃。
食韓國菜，我有一個小期待，就係啲細細碟既前菜，每間餐廳都有自己唔同既前菜同泡菜，Bistrol Seoul 既泡菜卷好一卷咁好靚，唔算好辣，口感夠脆，加埋另外既木耳同芽菜，一人三碟唔洗爭。
韓式豆腐海鮮湯
其實落order時，侍應已細心提醒呢個湯係唔辣既，不過我真係勁掛住紅噹噹既辣豆腐湯，自然係聽唔入耳，所以上菜時都嚇左一嚇，帶住失望既心情試第一啖，點知又有d驚喜喎，海鮮湯夠鮮甜，用料十足，蝦同青口都係大大件。
烤手工製牛肉餅伴年糕配蜜糖醬油汁
點呢個course係為左舊年糕，係呀～竟然係為左舊年糕，哈哈！不過咬落去個下真係失望呀！醬汁係好味o既，不過舊年糕係實既，唔係軟熟煙韌。不過塊牛肉餅就救返呢味菜，牛肉餅調味啱啱用好，唔會太咸或太濃，搶咗啲牛肉味，人手製同機攪出黎既口感一啲都唔同，好味好多！
之後侍應上左呢味菜，我地無叫沙律喎！
生魷魚及八爪魚薄切
原來內有乾坤，係我哋叫嘅生魷魚及八爪魚薄切，不過說好了的薄切呢？
老老實實，呢碟我覺得係伏，堅伏！成碟我搵個d魷魚搵得好辛苦，連d冬菇片都大過佢地，叫切絲都比多左佢，分明就係碎上！碎到係咩味都食唔到。呢碟菜真係無言。
大邱香辣蒜粒炆牛肋骨
呢味菜挽回返我少少信心，牛肋骨炆得夠淋夠入味，辣辣地夠哂惹味，驚喜在d栗子，我初初以為係蒜頭，原來係栗子，外面惹味，入面鮮甜～ 有多幾粒食就好啦～
香煎韓式薯仔脆餅
香口野我最鍾意，薯仔煎至脆身，唔洗點醬都好味～ 旁邊配菜選用皇帝菜，有別於一般生菜或者火箭菜，皇帝菜嘅獨特香味更對我嘅口味。
午餐食咁多真係好over😂，除左碟魷魚，其餘野食都好味既～三個女仔，傾傾講講食食飲飲，又一個下午啦～
张贴
