大和堂咖啡店

营业中

休息中

今日原本到九龍城食晚飯，見早到咗，便去呢排好hit 大和堂試下飲啡。 一到步，店員便說只係得返飲品供應，同埋收6點，問我是否ok? 我見手沖咖啡還有供應便試一試，選擇都有5款，我點咗杯衣索比亞耶家雪夫G1（水洗），因水洗豆一般帶出酸度感略高，我便請 Barista 幫我係沖煮方面調教一下。 咖啡呈上時用既杯幾精緻，初段耶家雪夫有佛手柑花香，跟住帶有皮革香氣，中段香桃茶香相當甘醇圓渾。待咖啡溫度稍降一下，橙皮香味和明亮的酸度係尾段呈現出來，層次豐富。 飲手沖咖啡好睇咖啡師既技術同專注度，同埋同客人既互動交流，呢方面係做得不錯。 店舖裝修係幾特別，樓底高，空間感十足，係享受慢活生活節奏既好去處。 今次無時間同機會試店員推介招牌食品， 希望下次再黎試埋其他咖啡選擇。