影片
更多
2010-08-12
10 浏览
8月7日(即係上星期六), 我同朋友一行5人o係天后食過晚飯, 雖然當時落住大雨, 大家意猶未盡仲想繼續食, 之前上openrice睇到大坑有間甜品舖叫小甜谷, 於是就揸車過o黎試吓. 天宮真係不做美, 當我地架車駛到小甜谷門口嘅時候, 個天好似倒塌一樣落住好大雨, 又行雷又閃電, 當時候有個小甜谷服務員拿著把雨傘走過o黎, 一個一個咁遮我地落車, 食緊甜品其間, 我仲留意到佢用雨傘遮返D客人上車離開添, 呢種服務o係高級酒店/餐廳會見到, 但係就連一間小小嘅甜品店都有就真係好少見啦. 仲有就係, 呢間舖頭係開放式嘅, 雖然佢地已經加咗帳蓬, 但係o係咁大雨嘅時候, 有帳蓬都會被雨水沾濕啦, 佢地嘅服務員落緊大雨其間依然站在旁邊等候客人落order的呼喚(係無拿雨傘), 真係好值得表揚一吓. 我地一坐低, 服務員就馬上把餐牌送上, 同時又介紹咗幾款新甜品比我地. 人係貪新鮮嘅, 於是我地order咗幾款新野試吓 : 1) 雪棉蜜桃 -- 服務員推介時話D蜜桃係從日本空運過o黎, 又香又甜又多汁, 於是我地叫咗一個o黎試, 4件蜜桃中間圍住一堆雪棉冰, 雪棉冰就一般啦, 但係果4件蜜桃
我地一坐低, 服務員就馬上把餐牌送上, 同時又介紹咗幾款新甜品比我地. 人係貪新鮮嘅, 於是我地order咗幾款新野試吓 :
1) 雪棉蜜桃 -- 服務員推介時話D蜜桃係從日本空運過o黎, 又香又甜又多汁, 於是我地叫咗一個o黎試, 4件蜜桃中間圍住一堆雪棉冰, 雪棉冰就一般啦, 但係果4件蜜桃真係好"正", 又甜又多汁, 價錢唔太費(HK$29/份), 我地最後order咗2份, 好值得一試嘅.
2) 榴槤甘露 -- 我朋友係個榴槤痴o黎, 佢話有好濃嘅榴槤味, 甜度又適中, 食完一碗又想再叫一碗, 我地當然制止佢啦, 留肚試吓其他野嘛.
3) 特濃牛乳燉蛋白 -- 聽聞呢度嘅牛乳燉蛋白好出名, 於是我地叫咗兩個一齊食, 一個凍食, 一個熱食o黎試吓, 兩個都有好香嘅牛奶味, 凍食唔漏, 熱食滑, 不愧係鎮店之實.
4) 荔枝奶凍 -- 好香荔枝味, 好滑, 仲有入口即溶嘅感覺, , 超"正".
除此以外, 我地仲叫咗三個小食試吓, 一個係香芋丸, 一個係日式麻薯燒餅, 一個叫蜜餞雞中翼, 雞翼都幾好味, 香芋丸同麻薯燒餅個名就好吸引, 但係都唔係咁好食啫, 價錢又唔平, 下次唔會叫.
總括o黎講, 服務員工作態度值得表揚, 食物尚算不錯, 價錢平番D就更加好, 下次有機會再o黎試吓佢地其他嘅野添.
张贴