萌．女僕咖啡屋 (已結業)

今次係慶祝我姪仔搵嘅生日飯，一開openrice就見到呢間有鰻魚蛋包飯呢個唔係間間都有，而且整都有難度。上度去好彩有客走先有位，全日都好full,下次去最好預先訂位。睇完餐牌套餐同散叫相差不大，就隨便叫咗鰻魚蛋包飯，芒果奶昔，芒果沙冰，女僕cakes, 花支丸，炸雞件。廚師姐姐速度驚人，我哋諗住之前有一大枱客都有排煮，誰不知都未揀好玩乜就有得食，出嚟嘅蛋包飯無穿無爛，蛋十分滑，鰻魚肥美多汁，炒飯香濃可口。炸雞件一定要食肉質嫩滑多汁，芝士香濃，我哋前後order咗三次。水吧姐姐亦很用心芒果奶昔並沒有多餘冰塊，香滑有層次，沙冰甜度洽當，就算飲到最後都不會很淡。伯爵蛋糕配以酒心朱古力醬帶出啖啖清香，曲奇蛋糕朱古力味道濃一點會更加好。