釗記海鮮小菜

营业中

休息中

生活總有唔如意，食好嘢善待自己，打打氣，兼幫小店撑落去。飲早茶唔知有咩揀，直接去檔口了解吓，大叔二話不說揭開蒸籠蓋任睇，除咗爪骨飯、骨飯，仲有最後一盅咸魚肉餅，即時搶走佢，加多碟山竹牛肉。咸魚係至愛的梅香，有少少骨，咬落即溶，唔死咸，同少肥肉餅最夾。餸的份量剛好，夠送飯。飯面的薑片外形雖然粗糙，勝在夠辣、薑味濃，豐富咗成個飯的味道，多得佢，個飯更滋味。最重視的白飯，軟硬適中，粒粒分明，唔係冇味碎米。睇佢細細盅猜疑唔夠飽，食食吓先驚會食唔晒碟牛肉。呢盅飯值得一啖一啖咁細味，出色過上次喺好彩食的同款飯。茶錢六蚊一位，高過預期。頭壺茶用嚟食碗筷，加水後等一段時間先飲用，沖出嚟的香片冇清香撲鼻，勝在入口甘香醇厚。