SHAKE SHACK (東薈城名店倉)

係中環食過兩次都覺得好好食，可以話係我自己食過嘅牛肉漢堡嘅第一名，露完營見到東涌東薈城都有，就決定Lunch 食佢！

叫左個Double Shack Burger 配杯啤酒爽下，味道方面係一致嘅，包本身一樣係好香軟，而漢堡扒都係好多肉汁得嚟有牛味，薯條都係外脆內軟。意外嘅係佢自家品牌嘅手工啤，好香好好好飲！

另外，驚用英文落餐嘅人有福，呢間鋪有自助店餐機，但佢鋪頭入面冷氣凍到好似雪櫃咁，最後頂唔順我先坐左戶外。