全程都有店員幫手蒸海鮮，好精準咁設定蒸的時間，唔洗擔心會煮到過熟。店員都好細心，主動換碟及介紹海鮮，加分加分。
青口同刀貝蚌新鮮到仲識噴水。
蟹膏超多，未食已經流晒口水。
龍蝦好大隻，啖啖肉，由尾部一夾就成條肉起左出黎。肉質夠結實彈牙，夠鮮甜。
大赤蝦肉質爽口，食落鮮甜。
店員特別提醒刀貝蚌唔洗點醬油，因為已經好重海水味。蒸熟後蚌內還有滿滿水份，一咬落去真係好濃味。
翡翠螺同樣結實爽口，完全唔會韌。
膏仔蟹真係真係超多膏，食落清甜回甘，鍾意食蟹的一定要試。而且蟹肉都唔少，超滿足。
饅頭蟹相對少膏，但味道好濃好鮮。
鮑魚好新鮮，雖然好厚身但蒸熟後完全唔韌，好易咬得開。
青口係另一推介，因為真係好新鮮，食落完全無苦味同雪味，食到青口的淡淡清香。
食完海鮮後仲有蔬菜，蒸出黎保留左菜本身的清甜。
蒸海鮮時的精華都流到鍋底的粥肉，個粥本身配料唔多，有點肉片提味，加埋海鮮精華變得好鮮味。
小食的魚皮，暖暖地加埋炸蒜夠香口乾脆，唔油膩。
點左杯桂圓紅棗杞子茶，飲落清甜滋潤，好足料。
