而打淥滷汁拌粉 (青衣城2) (已結業)

啖啖台灣味——而打淥鹵汁拌粉行經青衣城，搵咗好耐都唔知食乜，上網搵到一間台式嘅舖頭，冇得飛都好掛住台灣嘅小食，一於去試吓。餐牌好多嘢揀，首先俾佢嘅三成蔥油鹽水雞飯吸引咗，然後睇吓又發覺台式滷水都好似好正，於是就叫咗台式香腸、雲耳生菜、同埋一定唔少得嘅台式鴨血。外賣嘅餐盒都好有特色，有啲台式加港式嘅感覺。食物份量啱啱好，雞飯去骨啖啖肉，有雞味但係又唔會好肥膩，滷水嘅菜式勾起左去台北試小吃嘅感覺，鴨血都幾辣，再加埋條台灣香腸，大滿足。