一韓燒 (已結業)

朋友叫去食韓燒,減肥中喎, 不過一眼見到1號餐:飽住瘦身(韓式菜包黑毛豬五花), $85 有300克, 好抵, 超吸引, 二話不說, 即叫。套餐上枱, 見黑毛豬肥瘦均勻, 分量亦多, 一定夠飽, 但點解會瘦?可能係用生菜代替白飯, 健康D!食肉獸嘅朋友叫左5號餐(牛氣十足)$118, 有牛小排、牛板腱、橫膈膜, 一次過可以品嚐牛的3款不同部位, 薄切嘅牛小排最好食, 快熟, 非常嫩口, 小許油脂, 有𡁻頭食咗豬同牛, 點都要食埋雞嘅, 100G嫩雞肉都只係$21, 又好真係好嫩滑, 值得推介。最好揀個非繁忙時間去, 食完韓燒就有時間食番杯雪花冰, 價錢$38-$483.6牛乳雪花冰已經好好食, 分別配上抹茶雪糕同大大粒紅豆, 完全係錦上添花, 如配芒果肉, 芒果糯米糍, 芒果雪糕, 簡直係芒果控必選, 真材實料, 無法抗拒。