琴日補祝朋友生日，再去一次依間餐廳，同上一次去比多左好多人，應該因為琴日係星期五所以多人ｄ，不過仍然未到需要book位既狀態。
同上次一樣仍然點左全日早餐，同上一次對比，牛角包無失水準，仍舊出色！咬落去唔油，又唔會太腍，有ｄ咬口，個皮唔係蘇，不過脆脆地，建議經過都可以幫一個試下！真心正！
然後叫左半隻雞，嗯…賣相唔係太吸引，而香草味夠，不過係唔鍾意佢個肉身，唔係唔鍾意既，無咩特色囉，食到入面有ｄ似白烚雞胸，不過勝在唔un，但下次唔會再食雞。
包湯包野餐，兩個人食每人$175，個人覺得依度食物ok正常，同勝在夠舒服同唔駛等位。
同埋見到隔離枱兩個家庭帶住兩個bb一齊食，唔趕時間地方又闊落，有小朋友又想同朋友傾下計，依度係個不錯之選！
