城寨煲皇

第一次嚟煲皇，地點好方便，尖沙咀行過去幾分鐘就到，門口裝修幾有特色，入去係地下室位置，環境有少少暗但幾有氣氛，卡位坐得舒服。

我哋叫咗原味雞煲，雞幾嫩滑，啲醬汁撈埋配菜好好食，唔會太鹹。打邊爐配料都幾新鮮，特別鍾意佢哋啲墨魚滑，彈牙唔腥，牛拼盤都夠厚切，唔係薄薄地嗰種。

另外見到酒櫃都幾多清酒選擇，可惜揸車 如果唔係都想叫枝試下。

啲服務員態度都好好，會主動問加湯，整體食得舒服，會想再嚟。👍🏻👍🏻