圍威喂 (誠信中心) (已結業)

今日突然想食泰菜，搵下搵下就搵到圍威喂。首先覺得個名幾得意，再睇埋餐廳門口個大餐牌就決定一試。午餐選擇款式都算多，基本泰菜的炒金邊粉炒飯湯河都齊晒，朋友揀左香辣肉碎煎蛋飯，而我就試咗香辣（少辣）豬頸肉炒飯。炒飯賣相雖然好一般，但味道唔錯呀😋豬頸肉切成一粒粒去炒，保持到豬頸肉應有嘅口感。份量都幾多，佢個少辣亦控制得非常好，對我唔太食到辣嘅人嚟講啱啱好，而且真係未必間間餐廳肯做少辣。加埋杯熱檸蜜都係$71，有咁樣嘅份量+質素係個好好嘅選擇，可以再幫襯😋👍🏼