呢一晚走咗嚟樂富食晚餐，見到有間新開，食物又算啱食就走左入嚟。 裝修好舒服，坐到卡位就仲舒服😌 睇咗一陣，因為唔想女友又食炸嘢，相量下，決定要壽起牛肉鍋定食，我就要比目魚柚庵燒御膳。
御膳到先，賣相都好靚，好似好多野食咁，比目魚好滑，係唔記得早啲飲咗個蜆湯先，凍咗冇咁好飲添🤪 其他御膳嘅配菜都好味😊
女友個壽起牛肉鍋都到，嘩！好足料！不過個鍋仔就好似細咗啲，攪到都要拎起少少蔬菜先，同埋有需要安排第二次火，其實我哋比較鐘意個種剛煲好出嚟嘅壽起燒，唔洗有火又要食太耐😅 不過真係勁足料，牛又唔少又好味😋👍🏼
