影片
更多
2018-07-11
60 浏览
青檸柚子雞翼 $68呢份雞翼好好食 如果大家諗住叫小食一定要考慮埋佢!雞翼炸得鬆脆 最重要係佢既醬汁 雖然青檸唔係好食得出 但係柚子汁相當入味 而且有真柚子絲係雞翼面 炸物配柚子非常少見 少少酸酸地減輕左食炸野果份油膩雞翼量都唔少有六隻 價錢黎講我覺得算fair 鍾意食香口野既朋友應該都非常岩食黃金流沙炸蝦薄餅 $178早幾年已經食過黃長興既法國餐廳 今次黎到發覺轉左型做fusion 菜單有多國菜式 感覺意越風最濃叫左一個pizza 呢個pizza非常有特色 特別在於用左咸蛋黃 而且味道相當突出 一食第一啖就明顯察覺到 咸蛋黃配芝士又的確幾match菜式名黃金流沙炸蝦都唔錯 最重要炸蝦本身同咸蛋黃又意外地夾 食落有加成 所以味道方面屬水準以上 大家只需要擔心自己會唔會眼闊肚窄 皆因重口味而且份量都幾大整體黎講份pizza都叫得過 一試傳統pizza價既反傳統口味 小喇咩招牌青口 $108海鮮唔使海鮮價 有大量青口 非常抵玩!首先青口量其實比起影出黎更加多 中等size 叫海鮮類好少可咁揼本 算得上貨真價實呢份招牌青口用左泰式醬汁 係泰北旅遊返黎無幾耐既我一試就feel到如出一轍既果份泰
青檸柚子雞翼 $68呢份雞翼好好食 如果大家諗住叫小食一定要考慮埋佢!
雞翼炸得鬆脆 最重要係佢既醬汁 雖然青檸唔係好食得出 但係柚子汁相當入味 而且有真柚子絲係雞翼面 炸物配柚子非常少見 少少酸酸地減輕左食炸野果份油膩
雞翼量都唔少有六隻 價錢黎講我覺得算fair 鍾意食香口野既朋友應該都非常岩食
黃金流沙炸蝦薄餅 $178早幾年已經食過黃長興既法國餐廳 今次黎到發覺轉左型做fusion 菜單有多國菜式 感覺意越風最濃
叫左一個pizza 呢個pizza非常有特色 特別在於用左咸蛋黃 而且味道相當突出 一食第一啖就明顯察覺到 咸蛋黃配芝士又的確幾match菜式名黃金流沙
炸蝦都唔錯 最重要炸蝦本身同咸蛋黃又意外地夾 食落有加成 所以味道方面屬水準以上 大家只需要擔心自己會唔會眼闊肚窄 皆因重口味而且份量都幾大
整體黎講份pizza都叫得過 一試傳統pizza價既反傳統口味
小喇咩招牌青口 $108海鮮唔使海鮮價 有大量青口 非常抵玩!
首先青口量其實比起影出黎更加多 中等size 叫海鮮類好少可咁揼本 算得上貨真價實
呢份招牌青口用左泰式醬汁 係泰北旅遊返黎無幾耐既我一試就feel到如出一轍既果份泰式咖喱重椰奶味 平心而論泰式醬汁重口味未必人人鍾意 不過係青口配其實唔會over 足夠吊味之餘又唔會太膩
雖然份量都幾多 作為前菜我又覺得岩岩好 正好仲留有肚量食其他好西
越南滴漏咖啡 $28利申本人並非咖啡粉 叫份越南咖啡都係試下心態 點知又幾岩飲
present黎講滴漏效果有分加 都未完全滴完已經心急地一試 正確黎講係先聞咖啡香再嘆返啖 咖啡香同味道都令人滿意 當然如果要一個少飲咖啡既foodie分得出咖啡豆咩質素邊度出產實在不可能 只能直觀地同大家講飲落既香又濃 無苦澀味 入門級都無有怕
是日晚餐嘆左杯咖啡 結果當晚三四點先訓得著 對於無咖啡抗體既我黎講只能話飲好西要付出代價 如果大家飲開咖啡當然又另計
张贴
