蠔站 (樂富廣場) (已結業)

朋友介紹呢間餐廳，今日經過就決定試下。呢間餐廳地方唔大，裝修都算時尚，侍應服務好殷勤。今次叫咗兩個午餐: 香烤美國豬肋骨伴薯角香蒜蝦球扁意粉午餐包餐湯，甜品，咖啡或茶。餐湯甘荀粟米湯，味道夠濃，夠杰身，不會水汪汪，淡茂茂，不過唔夠熱，只係和暖，要扣分。香烤美國豬肋骨伴薯角豬肋骨份量唔多，亦唔夠厚肉，而且唔夠熱，味道係好嘅，薯角雖然唔夠熱但夠脆，伴碟嘅沙律菜都幾多，味道唔錯，整體我覺得過得去，但唔出色，份量太少。香蒜蝦球扁意粉蝦球幾大，鮮味足，意粉軟硬適中，整體味道過得去，但未算突出。咖啡出奇地好味，又夠熱，，我認為十分抵讚👍🏻👍🏻甜品冰凍忌廉泡芙，好味，忌廉雪到硬咗似雪糕，有驚喜👍🏻午餐嚟講，唔算平，旁邊嘅茜廊餐廳比佢扺食，不過服務和咖啡，呢度贏晒。