影片
更多
2019-09-19
358 浏览
今日去咗銅鑼灣行街街，去到棋哥燒鵝餐室，於是入去醫醫肚。嚟到呢度，都真係冇乜理由唔試吓佢嘅招牌菜，所以諗都唔諗就叫咗一客棋哥燒鵝飯。老實講，如果純粹講賣相，呢碟燒鵝飯真係唔討好，因為嗰層燒鵝皮實在係明顯地黑，同餐牌相片見到嘅金黃色係兩回事。不過食嘢都係講味道，一試之下，發覺鵝肉結實味濃，亦有油香，而更令猴子在意嘅係佢帶有一啲類似藥材咁嘅甘香味。好奇之下，睇睇佢嘅餐檯紙嘅介紹，先知原來嗰種叫做「荔枝柴香」，係用創辦人（即係棋哥）研發出嚟嘅「荔枝柴煙燻技術」整出嚟嘅。但講到尾，到底荔枝柴香係乜嘢味呢？猴子就覺得同當歸嘅味道有啲接近。至於價錢，HK$58一碟（凍飲加HK$3），其實唔係貴，一來間舖喺銅鑼灣，剩係舖租都好重皮，二來燒鵝本身都貴，再加上呢隻係燒鵝髀喎！仲想點？
棋哥燒鵝飯 (連凍飲)
$61
7 浏览
0 赞好
0 留言
老實講，如果純粹講賣相，呢碟燒鵝飯真係唔討好，因為嗰層燒鵝皮實在係明顯地黑，同餐牌相片見到嘅金黃色係兩回事。不過食嘢都係講味道，一試之下，發覺鵝肉結實味濃，亦有油香，而更令猴子在意嘅係佢帶有一啲類似藥材咁嘅甘香味。
棋哥燒鵝飯 (連凍飲)
$61
6 浏览
0 赞好
0 留言
好奇之下，睇睇佢嘅餐檯紙嘅介紹，先知原來嗰種叫做「荔枝柴香」，係用創辦人（即係棋哥）研發出嚟嘅「荔枝柴煙燻技術」整出嚟嘅。但講到尾，到底荔枝柴香係乜嘢味呢？猴子就覺得同當歸嘅味道有啲接近。
棋哥燒鵝飯 (連凍飲)
$61
8 浏览
0 赞好
0 留言
至於價錢，HK$58一碟（凍飲加HK$3），其實唔係貴，一來間舖喺銅鑼灣，剩係舖租都好重皮，二來燒鵝本身都貴，再加上呢隻係燒鵝髀喎！仲想點？
张贴
