蕃茄濃湯專門店 (已結業)

我都幾鍾意蕃茄湯😆見到呢間專門店，就入去try try～🍅蕃茄濃湯菠菜麵配雞扒/炸魚 （$58）我同朋友都叫左蕃茄濃湯菠菜麵，不過我就食雞扒，佢就食炸魚～睇賣相都唔錯～試過某啲地方既蕃茄湯好甜，但呢度既蕃茄湯就唔會喇。同埋有得揀菠菜麵都幾特別，可惜唔係太食到菠菜味，食到會更好～雞扒同炸魚都唔錯。👍🏻👍🏻雞皮煎到好脆，鍾意食雞皮既人應該會鍾意。魚就炸完都唔會乾晒，魚肉仲好嫩滑，略嫌魚肉腍身左啲。