板長壽司 (創紀之城五期) (已結業)

同朋友仔黎食lunch，朋友比我先到，坐低左等我~~一入到去，見到我個位張梳化!!!!有煙灰好明顯係未開舖果陣，有人係度食過煙啦，食還食，清理好丫唔該!!叫野食，竟然冇海膽，有冇搞錯??三文魚、三文魚腩，冇味ge....上次係金水食都好過佢好多!!蟹棒，冇左以前果種鮮甜ge味道......帆立貝，好腥.....真係想吐返出黎...立魚、油甘魚、鱆紅魚，點解上面要加一滴柚子或者什麼黑松露??完全蓋過魚ge鮮味....好難食...牡丹蝦、甜蝦，唔夠甜.......蟹肉蒸蛋，我好鍾意食蒸蛋，去任何一間都會叫，不過呢間.........唉....一打開個蓋，賣相已經唔討好...一堆半透過ge汁包住一堆蟹肉....蟹肉冇鮮味....蛋都唔夠滑，最大問題，亦係好多舖頭都會有同一個問題：就係蒸蛋唔應該有蝦，因為隻蝦會好老、好實、冇鮮味....成個lunch入面，真係搵唔到一樣好食ge野......服務態度哩....成日見到個穿西裝ge女人(我諗係經理)係度鬧人，好嘈...而另一個穿西裝ge男人，就打電話去鬧另一個人....簡直係鬧劇，我黎食飯，D野唔好食，仲要成餐飯聽住你地係咁嘈....貼錢買難受所