天丼

每逢假日食飯時間經過YOHO MALL，無論係五師定係晚市都見到呢間餐廳大排長龍。今日平日唔使返工，趁佢一開門就會去試試，睇吓有咩咁吸引咁多人排隊！之前有食過青衣間分店，果次覺得普普通通不過不失，見到呢度咁多人排隊諗住會有唔同，不過食落都係冇咩特別。

巨星天丼

由於真係太多款式，唔知揀咩好，就揀咗餐廳推介嘅巨星天丼！入邊有菇、豆、蟹柳、紫菜同埋天婦羅海老！日式天婦羅同我哋平時食開嘅唔同，香港好多餐廳為咗配合香港人口味就會整得好脆，但係去過日本食正宗嘅天婦羅就發現佢哋唔係脆卜卜嘅！呢度會似返日本嘅做法，而且呢度嘅醬汁都真係幾好味。但本身天婦羅送飯成件事都好油膩，食完個胃都係有啲唔舒服。油淋淋咁。除餐附送嘅麵豉湯就冇咩特別，同其他日本餐廳一樣，冇話特別好飲！

除咗佢嘅醬油之外其他我都唔會特別推介😂