十十川滬料理 (已結業)

同朋友相约饭聚，佢话想食上海菜，于是喺OpenRice揾到呢间都几多人赞嘅餐厅。一睇Menu，好多食物都售罄。星期五晚仲要只系七点，唔知点解可以咁。我哋分别叫咗：鲜肉小笼包 - 唔系特别出色，但尚算正常。醉鸡 - 一啲酒香味都冇，唔知点解可以叫醉鸡。只鸡又肥，完全唔好食。排骨担担面 - 个排骨一嚟到炸到过晒火，又干争争咁，实在不能接受。同侍应讲，换一碟返嚟先至正常啲。担担面同样好唔得，冇𠮶种花生同担担面嘅香味，个面亦都太林。清炒莴笋丝 - 太多油。总括一句，多like都可以好伏，好多时真系要试过先知龙与凤。