FLIPPER'S (已結業)

間野開左一段時間依然keep住有條隊，可能就黎打風既關係，今晚9:30到唔洗等位。一行倆人只想試下梳乎厘班戟，點知原來最低消費要每人叫一樣野，佢啲野本來就唔平，班戟又大碟，仲要人一人叫一樣，呢個位有啲扣分。最後叫左一份原味班戟，一杯抹茶冰。原味班戟 $99一碟三件，好味，坊間好多都做到鬆軟質感，但味道黎講呢間算好，有蛋香同麵粉香。個cream有少少鹹香既，配埋班戟好味，值得一試。Green tea frappe $39為左迎合最低消費先叫呢杯野，十分差，又甜又唔夠抹茶味，佢係抹茶白朱古力果啲假味變成一杯飲品既感覺，我地飲左半杯都頂唔順。