原の味 (已結業)

朋友睇openrice食評d人話好食,但貴。咁諗住得閒咪食下好西，就去試下。Book 左6:30入到去，地方都好大，兩個人都安排左4人枱。散叫左兩樣野食，因為同朋友都鍾意食海膽，就叫左一個海膽意粉，一個海膽三文魚子卷物。意粉先到，首先第一眼睇落去個海膽細細粒就咁鋪係面，意粉份量偏小，兩個人分係唔夠食，咁諗住真係唔夠飽就再叫其他野食。咁最緊要係個味道，朋友食第一口個海膽已經話腥，我自己係覺得佢連個意粉都整到腥埋，真係衰d 講句葵廣d 海膽手卷仲好食。198蚊一碟黎講，唔值到個卷物，Lee 個個海膽唔腥，三文魚子正常少少腥，個卷物入面夾住左一粒腌漬食物，但整體上我食落去唔覺得有咩特別，又係份量小。兩樣野食完，都唔夠喉。不過我一定唔會再order 其他野。諗住轉場再食，望下手錶，6:55到。用餐時間係唔夠30分鐘....埋單加一，餐飯要400蚊到。上返黎睇其他人食評，先覺得奶野。正評個d ，真係好富貴咁試到好多樣野。我自己食個兩樣，性價比係完全唔值。