呢間有幫趁開外賣靚湯，貪佢夠熱，個真空包裝穩陣唔會瀉，番到屋企剪開膠袋個椰殼重係燙手。住家阿大阿二唔算，成個太古城區最好飲都怕係佢，拍得住西苑爵士湯。附帶一提近排西苑差咗，就快去到轉彎嗰叄間美記水鬼尿水平。

講番個湯，有椰味、有淡淡藥材味，雞肉鷄骨唔少，濃淡適中，重識剪走雞腳甲添。唔好處係鷄骨碎，湯量畧少。
臨尾加句，鹹菜好正，絕配冇餸飯。