富臨薈

今晚約了一班小學同學食生日飯，因為一向都想坐圓枱，可以方便傾計，所以book位時已問定有冇得要求圓枱，但因我地人數不足，所以未能安排。但當去到入座時，都有驚喜！呢張方枱其實同圓枱無乜分別，只係多咗4隻角！大家傾計好方便呀！

講返野食先！因為太肚餓，未等齊人我地先叫咗個口水雞同埋豬手，由於太肚餓關係，所以影唔切相就食曬落肚！下面張相右上方可以見到仲有一件口水雞。個汁好香濃，唔錯！

發過豬頭拼盤

個賣相唔錯，味道都ok，咁樣抵過散叫好多！

小籠包&黑金流沙飽

小籠包好普通，皮有d硬，肉汁都唔夠多。流沙包唔差，唔太甜，可以一試。

牛柳粒

一般，沒有驚喜，不過不失啦！

有雞先定有蛋先

純粹係被個賣相吸引咗所以叫來試，普通咸水角加芒果布丁。影相幾靚，味道普通。

乳鴿

廿幾蚊隻，平靚正！