澳洲牛奶公司

营业中

休息中

今日經過澳牛，唔使排隊，梗係入去食個光速餐入到去，唔使睇餐牌都知道食咩，一定係火腿通粉，煎雙蛋配多士，好想快過店員問食咩就講咗先，但係次次都輸咗😁好多人食炒蛋，但係我鍾意呢度啲煎蛋多啲，第一，唔油，第二有少少脆邊，第三呢嗰啲雞蛋做煎蛋的話，蛋香味一流，配火腿通粉食，仲可以點埋啲蛋汁，令到個雞湯更加好味牛油多士厚身鬆脆，配埋煎蛋食亦都係一流火腿通粉，雞湯夠味，我仲覺得有少少鹹添，不過真係冇其他地方可以食到呢種味道最重要加埋杯凍奶茶，奶味茶味非常夾，完美的光速餐